February 20, 2009

San: : Sha ga Mying ganing hku nga ai rai kun?
Htai: : She Wu Pin nga ai re.

San: : Nga shara buga?
Htai: : Miwa mung Sichuan mung daw kaw re.

San: : Laiza Hu kaw manager mu gun ai gade ning rai sai kun?
Htai: : Laning mi jan sai.

San: : HU hta magam tsang gaw madang gade rai ta?
Htai: : Ningtau manager re.

San: : Laiza kaw WHD galaw ai a yaw shada lam lwoi mi mai tsun dan na kun?
Htai: : Mung shawa ni HIV ana hte seng ai hpaji rawt jat wa na matu, HIV ana byin ai ni hpe n yu kaji na matu re. Rung langai hte langai matut mahkai na matu hte Miwa hkran Jinghpaw hkrai n ginhka ai sha yawng shang lawm na matu re.

San: : HU kaw nna galaw ai magam bungli ni hpe mai tsun dan na kun?
Htai: : Hu kaw galaw ai magam bungli gaw hpan mali hku garan da ai re. (1) hkali hte seng ai magam,(2) kani ya ni hpe yu gawn
lajang ai, (3) Mare kahtawng hkan hkamja lam hpaji jaw ai,(4) Miwa hkran de na Handuction group hte seng ti na galaw ai.

San: : Laiza hta HIV ana lu ai shadang n tsa lam mai tsun dan na kun?
Htai: : 1000 jan ai re Numri Pan tsi gawk kaw tsi tsi hkam la nga ai gaw 500 jan re.

San: : Daining na WHD hta Miwa Mung na NGO ni mung shanglawm ai kun?
Htai: : Shang lawm ai Miwa mung na ni NGO ni hte seng ang ai uphkang du ni mung shang law ai.

San: : Ndai WHD galaw ai a marang e an hte mung shawa ni hpa baw akyu ni hpe lu la mai ai kun?
Htai: : Ndai Laiza kaw mung shawa gaw 8000 jan daram nga ai.Dai hta na malawng daram gaw HIV ana a lam chye la lu na re ngu
kam ai.Mare hkan HIV hpaji jaw ai lam,Jawng hkan AIDS ana hte seng ai sumroi, sumla soi, ga shagawp ka shing jawng ai lamang ni,mare hkan HIV hte seng ai hpaji jaw laika shabra ai a majaw mung shawa ni yawng gaw HIV ana zinli alam hpe garau chye lu na re.

San: : Du na shaning hta HU ni hku na WHD hpe gara hku shang lawm galaw mat na rai kun?
Htai: : UM.... Du na shaning hta gaw HU ni hku na gaw shata mi shawng aten la na galawna na re.Dai ning na hte maren mungdan
shagu hte matut na, seng ang ai rung shagu hte bawng ban jahkrup ti na galaw sa wa na re.

San: : Ndai Laiza kaw WHD galaw ai a marang e She Wu Pin hku na gara hku myit hta hkam sha ai kun?
Htai: : Whd galaw ai majaw ngai na mumada ai lam gaw mungdan hte mungdan matut mahkai ai lam mung kaja wa ai. Mare hkan
HIV hpaji hkaw tsun ai majaw mare masha ni mung chye na sana re chye na lu yang she tinang hkum tinang makawp maga la chye na re.

San: : Ndai WHD hte seng ti na mung shawa yawng hpe hpa baw ga htet mayu ai kun?
Htai: : Mung shawa ni yawng tinang na hkamja lam hpe sadi maja la ga, Hpa galaw tim mung tinang na hkum hkrang hpe makawp
maga la ga law ngu na htet mayu ai garai chyeju kaba sai.

By : Yaku & Ja Nan & La Nu