February 17, 2009

Wunpawng myu sha ni hpe daini na ten hpaji lam madang tsaw ai de woi awn sa wa lu na matu Laiza Muklum kata na hpaji lam yan
masa hpe Nu Wa mungchying sha ni hpang de shachyen ginlen dat ga ai . Wunpawng Mungdan shanglawt Asuya Ginjaw Hpaji dap
kaw na woiawn galaw sa wanga ai lam ni hta Ginjaw Hpaji dap kata lithkam Sara kaba Sumlut Gam. Ningtau lithkam Sara Tsinyu
Hkun Nawng hte magam gun marai 16 rai nga ai.
Lahtat tsang jawng hpe 1994-95 kaw nna n-gun dat hpang wa ai hte daini na ten jawng up Saranum kaba Jangma Roi San hte
magam gun yawng 36. jawngma 511 ( la 248, num 268 ) sharin hkam la nga ma ai chye lu ga ai. jawng a nga ginramadang,mihprap
wan,hkamja san seng lam ni hpe madang n yawm ai sha woi jasat sa wa nga ai. Jawng a sutgan laika dum hpe mung hpaw da lu sai
hte. laika hpan 233, jak bawnu 2 hpe mung lu da sai, Hpaji sharin ladaw tsang 4 hte 8 hpe Wungpawng Mungdan Shanglawt Asuya.
Ginjaw Hpaji Dap kaw na madang n-yawm ai hku san/htai ai lam galaw nga ai hte tsang 10 hpe Laiza kaw shata lahkawng sharin ai
lam hta awng dang ai ni hpe.Myitkyina lahta tsang jawng masat langaikaw bai matut nna myu sha ni a hpaji lam hpewoi shakut sa wa
nga ai. Myen Asuya a sharin Mahkrun hta jan nna E-1 english grammar hte Jinghpaw laika.Chyum laika hpe mung sharin ya ai lam
chye lu ga ai.
Lapran tsang jawng hpe wutdek wahpang jawng hku galaw da lu sai , 2004-05 kaw nna sharin n-gun dat sa wa nga sai, daini na ten jawng up
Saranum Kaba Sumlut Se Mun hte rau magam gun 16. jawng sin langai, yawng hpawm 17 hpe woi awn let jawngma 321 ( la 232,
Num 87 ) sharin hkam la nga ai lam chye lu ga ai. Laiza Muklum kata . myu hpe tsawra ai hte hpaji lam yan masa hta woiawn nga ai
magam gun ni, jawngma ni laban bat mi laman jawng kata htunghking bu hpun palawng bu hpun nga ma ai.
Ginjaw muklum kata na hpaji magam gun ni mung bat 6 ya shani du shagu English gtammar hpe aten n hprai ai sha sharin jahpat ya
nga ai.Hpaji sharin jawng shagu kaw jawng lung hpang wa shagu Mungdan mahkawn hkawn let Mungdan dawnghkawn hpe hkungga
jaw ai lam galaw nga ma ai.
KIO uphkang ginra kata hpaji jawng ni hta magam gun nga ai Sara/Saranum ni yawng gaw shabri shabrai hpe madung n da ai sha
myu sha ni a ntsa apnawng ai myit masin san san hte shakut sharin apnawng nga ma ai lam hpe chye lu ga ai