May 14,2009

Laiza Muklum: Sinpraw Majoi Manau zuphpawng gawknu hta Buga shara shagu de na myitsu salang ni shang lawm ai htunghking zuphpawng hpe May 14 ya jahpawt hkying 08:30 ten hta hpawng hpang wa ai lam chye lu ai.
Zuphpawng ga baw gaw "Wunpawng Amyu Sha Num Wawn Num La Ja hpaga lam hte Htunghking lai len lam bawngban zuphpawng" ngu ai rai nga ai.
Ndai zuphpawng hta mare buga shara shagu de na myit su salang ni, makam masham hpung shagu de na sara kaba, Wajau ni, KIO de na hpa-awn ni yawng marai (400) daram du dung lawm ai rai nna (May 14-15) 2 ya galaw na re lam chye lu ai.