January 10, 2009

Manua Poi Shabyin Shatai Komiti kaw nna hkalum daw jaw ai Jinghpaw Mungdaw Nhtoi shana shat sha poi hpe Majoi Gawknu kaw, shana de 6:00 hta galaw ai. Dai shana shat sha poi hta Jinghpaw Mugndaw Simsa Lam hte Bawngring Kongsi ningbaw Du kaba Soe Win, myusha ningbaw ningla ni, du salang ni, buga shagu de na hpunau ni, hkringmang dat kasa ni, simsa lam lapran salang ni, makam masham hpung shagu na ningbaw ningla ni hte mare kanu kawa du salang ni shanglawm ma ai.

Mungdaw Masat nhtoi shana shat sha poi hta shanglawm nga ai myitsu salang ni

Dai shana shat sha poi hta yungwi pinra hte shangwi shapyaw ai hte Hkriawn Magam Ningla Shagrau marai lahkawng, laika ka shingjawng ningtawn kumhpa marai masum, yungwi shalat ninghkring masum hte kaga shagrau sha'a ging ai ni hpe shagrau sha’a ai lam ni mung galaw ma ai.

Shana shat sha poi hta yungwi kahkrang nihte hkalum la ma ai